,,გიორგი კეკელიძე, გვიყვარხარ, ყველაფერი კარგად იქნება”, – დაწერა ექიმმა ნინო ნადირაძემ და საკუთარი ამბავი გაიხსენა, როცა ადამიანებმა გული ძალიან ატკინეს.,,ჩემს თავზე ერთი მეტეორს არ გადაუვლია, თორემ სხვა ყველაფერი გამოვიარე ცხოვრებაში, სულ ახლა, 57000 გავეშებული ადამიანი მიწყევლიდა ოჯახს, მხოლოდ იმის გამო, რომ 30 წლის ,,ბავშვს” დიპლომი მოვკითხე და თავი რომ მომეკლა, წარმომიდგენია, როგორ გაბედნიერდებოდნენ, მაგრამ, მე მაპატიეთ, რომ ეს სიამოვნება მოგაკელით. არ აქვს ყველას ერთნაირი ნერვები, ამიტომ, სანამ ვინმე ვინმეს რამეს ატკენს, კარგად დაფიქრდით, მკვლელობაზე ხომ არ აწერთ ხელს. არასოდეს იფიქროთ, ადამიანებო, თავის მოკვლაზე, გახსოვდეთ, რომ ამით თქვენ მათაც კლავთ, ვისაც მთელი გულით უყვარხართ და თვითმკვლელთან ერთად მკვლელებიც გამოდიხართ. ცხოვრება ისედაც ხანმოკლეა, მაგრამ მაინც ტკბილია”.