მთელი ბორჯომი დასტირის მესამე საჯარო სკოლის მოსწავლეს, ლუკა ლეკიაშვილს, რომელიც დღეს ავტოავარიაში დაიღუპა. ლუკა და მისი კლასელები ბოლო ზარს აღნიშნავდნენ. ავტომობილი, რომელშიც მოსწავლეები ისხდნენ, მდინარეში გადავარდა. ლუკა შემთხვევის ადგილზე მისულ სასწარფო დახმარების ბრიგადას გარდაცვლილი დახვდა. სამი მოზარდი დაშავდა და მრავლობითი დაზიანებებით ბორჯომის კლინიკაში გადაიყვანეს.
,,საშინელება ტრიალებს. ლუკას დედაც ამავე სკოლის მასწვალებელია, ინგლისურს ასწავლის. ბოლო ზარი უკვე დასრულებული იყო, ავტომობილების კოლონა მწვანე მონასტრის ტერიტორიიდან ხაშურისკენ მიდიოდა, სადაც რესტორანში უნდა ექეიფათ. სხვები უკვე წინ იყვნენ და ეს მანქანა უკან იყო, როცა მოხდა ავტოსაგზაო შემთხვევა.
ავტომობილი მდინარეში გადავარდა. ვიზუალური დათვალიერებით გარდაცვლილ ბიჭს სხეულზე მნიშვნელოვანი დაზიანებები არ აღენიშნება, არაოფიციალური ვერსიით, წყალში გადავარდნისას შესაძლოა გული გაუსკდა” – ამბობენ შემთხვევის ადგილზე მყოფი ბორჯომელები ამბები.ჯი-სთან.