კახეთში, სოფელ კონდოლში მომხდარ სასტიკ მკვლელობას კიდევ უფრო საზარელს ხდის დეტალები, რომლებზეც ამბები.ჯი-სთან მოკლული ცოლ-ქმრის, გიორგი ჯიბიაშვილისა და მაკა ზურაბაშვილის შვილი, გიგა ყვება. როგორც ამბობს, მკვლელი მის მშობლებს ოჯახში ჰყავდათ შეფარებული და პატრონობდნენ, რადგან მათ თავს აცოდებდა და ამბობდა, რომ ობოლი იყო და ერთი და ჰყავდა, რომელიც სიმსივნით იყო დაავადებული.
-ჩემი მშობლები ყველანაირად ენდობოდნენ, სამივე ერთად ცხოვრობდნენ. ჩემი მშობლები “ვინჩესტერით” დახოცა, ჩემი და დააბა და მშობლების მკვლელობას აყურებინა. შოკში იყო ჩემი და, ახლა ცოტა გამოვიდა მდგომარეობიდან. მკვლელობამდე 10 წუთით ადრე მამას ველაპარაკე.
ამის შემდეგ დედას ურეკია ჩემთან, 15 წუთის მერე ვნახე… ეტყობა, დედა საშველად რეკავდა ჩემთან, 50 მეტრი ჰქონდა ნახოხი იმ ადგილიდან. მამას სახე აღარ აქვს, დედას უკანა მხარე აქვს განგრეული, – ყვება ამბები.ჯი-სთან გიგა ჯიბიაშვილი.
მკვლელობაში ბრალდებული დაკავებული არ არის, სამართალდამცავები ჯერ კიდევ ეძებენ.