ზესტაფონი-ქუთაისის გზაზე მომხდარმა ტრაგედიამ მთელი საქართველო შეძრა. სოფელ სვირთან მომხდარ ავარიას ხუთი ადამიანი ემსხვერპლა, მათ შორის არიან გიორგი აბაშიძე და შმაგი გვალია, რომლებსაც მთელი ზესტაფონი დასტირის.
,,ვაიმე, შმაგი. ღმერთო, რატომ? როგორი თბილი და საყვარელი ადამიანი. არ მჯერა, დამეთუთქა გული”, ,,ვაიმე, ღმერთ, რატომ? რა უსამართლობაა. ვუსამძრებ შენს ოჯახს და საყვარელ ადამიანებს”, ,,ეს რა დილა გამითენეთ, ჩემო ძამიკოებო, რომელი ერთი გიტიროთ”, ,,რამხელა ტრაგედიაა, ღმერთო, ეს რა უბედური დღე გათენდა. როგორ გული მტკივა თითეულ თქვენგანზე, ნათელი თქვენს ლამაზ სულს”, ,,შმაგი, გამიჩერდა, შვილო, გული. დაუჯერებელია უშენობა. ვერცხლისწყალივით ბიჭო, ოქრო ბიჭო, შმაგი შვილო, რატომ გაამწარე შენი დედა”, – წერენ სოციალურ ქსელში გარდაცვლილების ახლობლები.
ადგილი, სადაც ავტოსაგზაო შემთხვევა მომხდა, არაერთხელ გამხდარა მსგავსი ტრაგედიის ადგილი. როგორც წერენ, განმეორდა 11 წლის წინანდელი ტრაგედია, მაშინაც ხუთი ახალგაზრდა დაიღუპა ერთ ღამეში და მაშინაც ტრაილერს შეეჯახნენ.
,,რად არ აღირსეს მაგ ადგილს შუქნიშანი? სულ შიში მაქვს მანდ, გზაჯვარედინზე გადმოსვლის”, ,,უნდა მივიდნენ მერიაში და მოითხოვონ იქ ან შუქნიშანი, ან რამე, როდემდე, რამდენი”, – წერენ სოციალურ ქსელში.