რამდენიმე დღის წინ ოქროყანაში უმძიმესი ტრაგედია დატრიალდა. ოქროყანის გზაზე ავარიას 8 წლის გიორგი ახობაძე ემსვერპლა. ტკივილს და უსამართლობის შეგრძნებას ისიც ამძაფრებს, რომ, როგორც წერენ, ამ უბედრების აცილება შესაძლებელი იყო.
,,მოსახლეობა ამ ადგილს ,,სიკვდილის ზონას” უწოდებს, რადგან აქ უამრავი ადამიანი დასახიჩრდა წლების განმავლობაში და რამდენიმე გარდაიცვალა. მათ შორის იყო 8 წლის გიორგი, რომელიც რამდენიმე დღის წინ ემსხვერპლა ავტოავარიას… მიუხედავად იმისა, რომ ადგილობრივ მოსახლეობას დასახმარებლად არაერთხელ მიუმართავს თბილისის მერიისთვის, პასუხი დღემდე არ აქვთ და პრობლემა დღემდე გადაუჭრელია. არადა სიჩქარის შემზღუდავ ბარიერს ან საგზაო ნიშანსაც კი შეეძლო გადაერჩინა ადამიანის სიცოცხლე”, – დაწერა “ფეისბუქში” გიორგი შარაშიძემ.
,,ოქროყანის ბავშვებს უსაფრთხო გადასასვლელი სჭირდებათ!” – ითხოვენ სოციალურ ქსელში.