რუსეთში მცხოვრებმა ქართველმა მომღერალმა, ქეთა თოფურიამ ბლოგერ ნადეჟდა სტრელეცთან მამაზე, ანდრო თოფურიაზე ისაუბრა, რომელიც ე.წ. კანონიერი ქურდი იყო და რამდენიმე წლის წინ ციხეში გარდაიცვალა.
-ის სუპერ მამა იყო. 90-იან წლებში საქართველოში ვცხოვრობდით, მამა კანონიერი ქურდი იყო. მაშინ ქვეყანაში რთული პერიოდი იყო, ქუჩებში წესრიგს კანონიერი ქურდები ამყარებდნენ. იმ წლებში მამა წამალდამოკიდებული იყო, ეს მაშინდელი საქართველოს ავადმყოფობა იყო. შემდეგ მოვიდა ხელისუფლებაში მიხეილ სააკაშვილი და მამა მოსკოვში გადმოვიდა საცხოვრებლად. რაღაც პერიოდის შემდეგ ის დააკავეს და ციხეში ინსულტით დაიღუპა.
არ არის მართალი, რომ ის მკვლელი იყო. მოზარდობისას ეზოში ჩხუბი მოხდა, მაშინ 17-19 წლის იქნებოდა. ჩხუბის დროს ერთი ახალგაზრდა გარდაიცვალა. სხვები გაიქცნენ და მამა დარჩა. ამის გამო დააკავეს. საბოლოოდ გამოძიების შემდეგ გაირკვა, რომ დამნაშავე არ იყო, – ამბობს ქეთა თოფურია (ამბები.ჯი).
ქეთას დედამ, ნატა ბუცხრიკიძემ ,,სარკესთან” თავის ოჯახზე ისაუბრა და შვილის მამაზე თქვა, რომ ის უამრავ ადამიანს დაეხმარა.