დღევანდელ საკოორდინაციო საბჭოზე კლუბების გახსნის საკითხზე გადაწყვეტილება არ მიიღეს და ამის მიზეზად უწყებათაშორის საკოორდინაციო საბჭოსთან არსებული შტაბის უფროსმა, გიორგი ღიბრაძემ განაცხადა.
-საქართველოში ომიკრონის შტამი უკვე დაფიქსირდა და იმის პოტენციალი, რომ ჩვენთანაც გავრცელდეს, მაღალია. შესაბამისად, კლუბებთან მიმართებით ლიბერალიზაცია დღეს არ არის. ანუ კლუბების გახსნასთან დაკავშირებით გადაწყვეტილება არ მიგვიღია, – განაცხადა ღიბრაძემ.
კლუბის ,,მტკვარზე” ერთ-ერთი დამფუძნებლი ქეთა გაბუნია მთავრობის ამ გადაწყვეტილებას ფეისბუქით ეხმაურება:
,,18-ში დაგეგმილი ღონისძიებები გადაგვადებინეს და დღევანდელ საკოორდინაციო საბჭოზე უნდა მიგვეღო კლუბების გახსნის გადაწყვეტილებაზე თანხმობა!
ვუსმინეთ, როგორ სამარცხვინოდ მოგვატყუეს, უკვე მერამდენედ და დაგვტოვეს სრულიად გადაკოტრებულები. სივრცეები, სადაც გაცილებით მეტად გვაქვს დაცული უსაფრთხოება, დაგვტოვეს ისევ დაკეტილები მაშინ, როცა თვითონ ორბელიანის მოედნებზე და ა.შ. საახალწლო კონცერტებს და ბაზრობებს მართავენ, ყველანაირი კონტროლის გარეშე! ამას არ შეგარჩენთ!..
აღსანიშნავია, რომ კლუბებმა ყველა რეგულაციის შესრულება ძალიან მკაცრად დაიწყეს.
,,შევზღუდეთ ხალხის რაოდენობა, დავაწესეთ იმაზე მკაცრი ,,მწვანე პასპორტები”, ვიდრე ნებისმიერ სხვა დაწესებულებას აქვს. სრულად აცრა, მხოლოდ პისიარი ბოლო 48 საათის და არანაირი სწრაფი ტესტი. ვირუსის გადატანა ბოლოს 6 თვეში (არავითარი უსასრულო მწვანე…” – წერს ქეთა გაბუნია.