27 წლის ექთნის, მეგი ბაქრაძის მდგომარეობა მძიმეა, მაგრამ უკვე სტაბილური. ამის შესახებ საუნივერსიტეტო კლინიკის კლინიკურმა დირექტორმა, ლალი ტურძელაძემ განაცხადა:
-ღამე იყო საკმაოდ მძიმე. ამ დილისთვის, ახლა მოხერხდა სტაბილიზაციის მიღწევა, სტაბილიზაცია გულისხმობს, რომ აპარატთან არის სინქრონში, ერთად სუნთქავენ, წნევა ხერხდება სამი მედიკამენტის მხარდაჭერით, მაქსიმალურ დოზებზეა, წამოვიდა ტემპერატურა, ამ დილისთვის მდგომარეობა შედარებით სტაბილურია… მოხდა ყველა კვლევის ჩატარება, ტვინის ფუნქციის განსაზღვრაც, ტვინი ჯერ ცოცხალია.
კლინიკის ხელმძღვანელი, ლევან რატიანი ემოციურ წერილს აქვეყნებს:
,,ღმერთო, ეს შეგვაძლებინე. დედის დილა მშვისობისა, დედის ალერსი და დედის სითბო ეს ყველაფერია ცხოვრებაში… დედა ის არსებაა, რომლის გარეშეც მე პირადად ცხოვრება ვერ წარმომიდგენია ამ ასაკშიც… დედაა, პირველ რიგში, ჩვენი პაციენტი. დედა, რომელსაც ორი შვილი ელოდება სახლში. სადღაც კუთხეში დგანან და ლოცულობენ, დედა გადაგვირჩესო. რომ გავიგე, ერთი მესამე კლასშია, მეორე _ პირველში, გული გამიჩერდა… დედა უნდა გადარჩეს! მშვიდობა დაგვბრუნებოდეს და ეს დედა კი მალე გამეშვას მის შვილებთან გამოჯანმრთელებული…. ღმერთო, ეს შეგვაძლებინე…. ეს ომი უპირობოდ უნდა მოვიგოთ!”.