1 ოქტომბერს, ქობულეთის მუნიციპალიტეტის სოფელ ცეცხლაურში 11 წლის მოზარდი ტრაქტორზე გამობმულ თოკზე ჩამომხრჩვალი იპოვეს. მეხუთეკლასელი ლუკა სურმანიძე ტყისპირას ბავშვებმა იპოვეს.
ქობულეთის მერიის წარმომადგენელი სოფელ ცეცხლაურში, ბონდო სურმანიძე ამბები.ჯი-სთან ამბობს:
– თოკი, რომლითაც მოზარდი დაიხრჩო, ტრაქტორზე არ ყოფილა გამობმული, როცა იპოვეს, ყელზე ეკეთა, ბავშვი კი ძირს ეგდო. ქუდის თოკი ყოფილა, იქიდანაა გამოძრობილი, სადღაც 55 სანტიმეტრის. როგორც ჩანს, ბავშვმა ან გამოაბა, ან თამაშ-თამაშში გამოსძვრა და გაიხლართა. შემთხვევამდე ერთი საათით ადრე, ლუკა მეც ვნახე, ველოსიპედით დასეირნობდა ახლო-მახლოს, თამაშობდა.
გამოძიება საქართველოს სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.