გვიან ღამით შემზარავი ტრაგედია დატრიალდა. ავარიაში ნაციონალური მოძრაობის 6 წევრი გარდაიცვალა, 10-მა მგზავრმა კი სხეულის სხვადასხვა სიმძიმის დაზიანებები მიიღო. ისინი გუშინდელი შეკრებიდან სამეგრელოში ბრუნდებოდნენ. თვითმხილვლების თქმით, მიკროავტობუსი გაჩერებული იყო და მას ტრაილერი დაეჯახა. სავარაუდოდ, ტრაილერის მძღოლს ჩაეძინა და ავარიაც ამან გამოიწვია.
-ალბათ ჩაძინებული იყო თურქი მძღოლი, სხვანაირად არ არსებობს, აქ ავარია მოგივიდეს. ეტყობა, რომ მიკროავტობუსი გაჩერებული იყო. ჩაეძინა იმას და რომ მოვიდა აზრზე, უკვე გვიანი იყო… – ამბობს თვითმხილველი.
დაღუპულთაგან ერთი სუს-ის რეგიონული განყოფილების ყოფილი უფროსი, ილია (ირაკლი) გაწერელიაა, ასევე დაღუპულა ყოფილი საოლქო პროკურორის როლანდ ახალაიას ძმისშვილი, ელვარდ ახალაია და ვიცე-პოლკოვნიკი, ყოფილი ძალოვანი ოთარ ჯიქია.
-უმძიმესი ტრაგედია დატრიალდა, გული მაქვს გაგლეჯილი, ყველა ჩვენს მხარდამჭერს… ვიზიარებ ოჯახების მწუხარებას. დავკარგეთ არაჩვეულებრივი ადამიანები და ძალიან კარგი პატრიოტები, – განაცხადა პარტიის ერთ-ერთმა ლიდერმა ხატია დეკანოიძემ.
“ნაციონალური მოძრაობის” აქტივისტები არიან, რომლებიც გუშინდელი შეკრებიდან სამეგრელოში ბრუნდებოდნენ. კლინიკა “გორმედში” გუშინვე ჩავიდნენ პარტიის ლიდერები.
გამოძიება საქართველოს სისხლის სამართლის კოდექსის 276-ე მუხლის მე-8 ნაწილით მიმდინარეობს.