ტელეკომპანია ,,ფორმულა” თამარ ბაჩალიაშვილის საქმესთან დაკავშირებით სკანდალურ ინფორმაციას ავრცელებს, რომ 23 წლის გოგონა იმიტომ მოკლეს, რომ ერთ-ერთ პროექტზე მუშაობისას მან ისეთი რამ ნახა, რაც არ უნდა ენახა. _მარტომყოფ თამარს გაუჩინარების დღეს, დილის 10:15 წუთზე, ,,ვოთსაპის” საშუალებით დაურეკეს და ,,გუგლის’ რუკის გამოყენებით დანიშნულების ადგილის შესახებ შეტყობინება გაუგზავნეს. თამარი ზარის ავტორს იცნობდა და მისთვის უცხო არ ყოფილა საკითხი, რიც გამოც შეხვედრაზე დაიბარეს. იმ თემაზე საუბარი ჰქონდა გასული დღეების განმავლობაშიც.
თამარის მამას კი საგამოძიებო უწყებაში უთხრეს, რომ იმ დღეს თამარის ტელეფონში არც მესიჯი მისულა და არც ზარი შესულა, არც ზარი გასულა, რაც იმას ნიშნავს, რომ ტელეფონი გაასუფთავეს.
ბაჩალიაშვილმა იცოდა, რომ იქ შეაღწია, სადაც მისი ადგილი არ იყო. მას შეეშინდა და სწორედ ამ პერიოდს უკავშირდება მისი ხასიათის ცვლილებებიც. პროგრამისტის გარდაცვალების სავარაუდო მოტივი საიდუმლო ფაილების გახსნაა. მან ერთ-ერთ პროექტზე მუშაობისას _ საქმე ეხება სხვა სამსახურს და არა კომპანია ,,ზეგს”, გახსნა საიდუმლო ფაილები, საუბარია მაღალი რანგის ქართველი მაღალჩინოსნების, კერძოდ სამი ადამიანის კომპრომატებზე. სამ ვიდეოზე. რა შინაარსის იყო ეს კომპრომატები, უცნობია. იმ დღეს თამარს დაინტერესებული მხარისთვის აღნიშნული საიდუმლო მაალები გადაეცა.
ბაჩალიაშვილს გაუგზავნეს ისეთი ლოკაცია, რომ მას თეთრიწყარომდე მარნეულის გზა გაევლო, რათა მისი გადაადგილება ჭკვიან კამერებს დაეფიქსირებინა იმისთვის, რომ გამოძიებას კვალი არეოდა. თამარი მარნეულში ჩაიყვანეს და ინექციით გათიშეს. მანქანა ,,ბუქსირით” მიიყვანეს გოლთეთის მინდორთამ მიიყვანეს, შემდეგ კი ხელით მიაგორეს. დედის თქმით, ერთმა თვითმხილველმა უთხრა, რომ თამარის მანქანა ნახა, რომელსაც ,,მერსედესის მანქანაზე ,,ბუქსირს” უბამდნენ.
ბაჩალიაშვილის ცხედრის გამოჩენა არ იგეგმებოდა. ის უფრო გვიან და სხვა ადგილას უნდა ენახათ, თუმცა მას შემდეგ, რაც ოჯახმა გზა გადაკეტა, ცხედარი იმ ადგილზე, მიიტანეს სადაც ის გარდაცვლილი ნახეს. ავტომობილი მთლიანად გასუფთავებულია, რაც იმას ნიშნავს, რომ იქიდან უცხო ადამიანის დნმ არ ამოვა, – ყვებიან ,,შაბათის ფორმულაში”.