ბოლო დღეების განმავლობაში სოციალურ ქსელებსა თუ მედიაში ძალიან ბევრი ცდილობს, თამარ ბაჩალიაშვილის თვითმკვლელობის შესახებ ვერსია გაამყაროს და საზოგადოებრივი აზრი შექმნას, რომ წარმატებული პროგრამისტი თავს მოიკლავდა.
ტელეკომპანია ,,იმედის” საინფორმაციო გამოშვება „ქრონიკამ“ ექიმ-ფსიქიატრის, ხათუნა ჩაფიძის დასკვნა გამოაქვეყნა, რომელიც 2012 წლით თარიღდება.
„დაახლოებით ორი თვის წინ ოჯახში მორიგი კონფლიქიტის შემდეგ დედამ გამოიძახა უბნის ინსპექტორი. აღნიშნული პაციენტმა ძალიან განიცადა, იყო გაჩუმებული, ხან გაღიზიანებული. ხშირად მოულოდნელად კრთებოდა, უკანკალებდა ხელები. ყვიროდა, მომბეზრდა ყველაფერი. დედის გადმოცემით, ჟვანიას სახელობის კლინიკაში მიიყვანეს კოლაფტოიდურ მდგომარეობაში. მეორე დღეს გაეწერა სახლში, სადაც კვლავ იყო დათრგუნული. ბოლო ერთი დღეა არ უჭამია საჭმელი, ამის შემდეგ მოიყვანეს ჩვენს კლინიკაში”, – წერია ,,ქრონიკის” მიერ გამოქვეყნებულ დასკვნაში.
თამარ ბაჩალიაშვილს ჰყავდა ფსიქოლოგი, ქეთი კობალაძე, რომელიც ამბები.ჯი-სთან ყვება:
– თამუნა სრულწლოვანი გოგონა იყო, მშვიდი, გაწონასწორებული ადამიანი. სულ რამდენჯერმე იყო ჩემთან, ბევრს ვერაფერს ვიტყვი. ადამიანები, რომლებიც არ არიან სპეციალისტები, გაცილებით მარტივად და უცებ აკეთებენ დასკვნებს და ხელაღებით შეუძლიათ, რაღაცა რაღაცას დაუკავშირონ. ადამიანი იმდენად რთული მექანიზმია და იმდენად ხანგრძლიავია ეს პროცესი, არიქა, მოვიდა და მაშინვე რაღაც დასკვნა გამოვიტანე, ასე არაა…
ვიცით, რომ სუიციდი ჩაიდინა? ვიცით, საბოლოო ვერსია? საბოლოოდ ჯერ ხომ არაფერია დადგენილი? მისთვის არც ნევროლოგი და არც წამლები მირჩევია.