თბილისში საშინელი ტრაგედია დატრიალდა. მტკვარში 6 წლის ბავშვი დაიხრჩო, მისი და კი კლინიკაში მოათავსეს.
,,რუსთავი 2″-თან თვითმხილველები ყვებიან, რომ დედა შვილებს მდინარესთან, კლდეზე ფოტოებს უღებდა, ამ დროს ბიჭს ქვაზე ფეხი დაუცურდა და მტკვარში ჩავარდა. მოზარდის გადასარჩენად წყალში შევიდნენ დედა და მისი და, თუმცა გადარჩენა ვერ მოახერხეს.
_როგორც ვიცით, ბავშვს ქვაზე დაუცურდა ფეხი, დაც გადამხტარა საშველად… დედამ რომ დაინახა ორ-ორი ბავშვი წყალში, ისიც შევიდა წყალში… ბიჭი დაიღუპა, და რეანიმაციაშია, – ამბობენ თვითმხილველები.
,,მაშველებმა წყლიდან ამოიყვანეს უგონო მდგომარეობაში მყოფი არასრულწლოვანი, რომელსაც სასწრაფო სამედიცინო დახმარების ექიმებმა და მაშველებმა ადგილზე ჩაუტარეს გულ-ფილტვის რეანიმაცია, თუმცა, სამედიცინო დახმარების მიუხედავად, ვერ მოხერხდა მოზარდის გადარჩენა და დაფიქსირდა გარდაცვალების ფაქტი“, – ნათქვამია სიტუაციების მართვის სამსახურის განცხადებაში.