აშშ-ს ელჩი რუსეთში (2008-2012 წლებში) ჯონ ბაირლი პუტინთან პირველი შეხვედრის შესახებ, რომელიც 1999 წელს შედგა, ყვება:
-გაოცებული ვიყავი, იგი [პუტინი] როგორი დისციპლინის მქონე, უემოციო იყო და როგორ კარგად მომზადებული და ჭკვიანი მოსაუბრე ჩანდა…
ნახევარი საათის განმავლობაში ნორმალური შეხვედრა გვქონდა. ჩვეული წესით, რუტინულად განვიხილავდით დღის წესრიგს, სანამ საქმე არ მივიდა საქართველომდე [საუბარი შეეხებოდა საქართველოს მიერ ჩეჩენი ტერორისტების შეკავებას ქვეყნის ტერიტორიაზე]…
ამ დროს დავინახეთ, რომ პუტინის სახემ ნელ-ნელა გაწითლება დაიწყო. ის ნელ-ნელა გადმოიწია სკამზე და შეხვედრისას პირველად შეგვაწყვეტინა საუბარი.
-თქვენი მეგობარი შევარდნაძე სულელია! – თქვა და შემდეგ დეტალებში გააგრძელა მოყოლა, რატომ იყო შევარდნაძე სულელი.
სულ რაღაც ორ-სამ წუთში ოთახში ტემპერატურა 5-10 გრადუსით დაეცა. შემდეგ შეხვედრებზეც, პრეზიდენტ კლინტონთან ერთად, კარგად ვგრძნობდით, რომ [უემოციო და გაწონასწორებულ] პუტინს ძალიან ძლიერი, შინაგან ინსტინქტებს დამორჩილებული ანტიქართული გრძნობები ჰქონდა.
2008 წელს როცა მოსკოვში ელჩის რანგში ჩავედი, ვთქვი: ,,არასოდეს მიგრძვნია, რომ ადგილზე ბრძოლის სუნი ისე იგრძნობოდეს, როგორც ახლა”. და ეს იყო ზუსტად ერთი თვით ადრე, სანამ საქართველოში ომი დაიწყებოდა.
მოამზადა თამარ ტყემალაძემ. იხილეთ ვიდეო