ნინო ჯანგირაშვილი: ,,ივანიშვილმა სასწრაფოდ გადაიხადოს 55 მილიონი, თორემ სკანდალს ავტეხ!”

ნინო ჯანგირაშვილი: ,,ივანიშვილმა სასწრაფოდ გადაიხადოს 55 მილიონი, თორემ სკანდალს ავტეხ!"ნინო ჯანგირაშვილი ფინანსთა მინისტრის დღევანდელ განცხადებას ეხმაურება და წერს:

,,ბოლო ბოლო ითქვა ოფიციალურად:

რუსთავი – 28 მილიონი
იმედი – 19 მილიონი
მაესტრო – 8 მილიონი

ფინანსთა მინისტრი ამბობს, რომ მზად არის, მოლაპარაკეები დაიწყოს ვალების რესტრუქტურიზაციასთან დაკავშირებით. ერთ წელზე მეტი ვადით რესტრუქტურიზაცია ჩემს მიერ აღქმული იქნება როგორც ვალების პატიება და უკვე მესამედ ამ დიდ უსამართლობას აღარ დავუშვებ.

როგორც კი ერთ წელზე მეტ ვადიან რესტრუქტურიზაციას ახსენებთ, შევწყვეტ გადასახადების გადახდას და ვნახოთ ერთი, როგორ გამეკარებით სიახლოვეს. გარდა ამისა, მოვითხოვ ბოლო 20 წლის მანძილზე რაც გადამიხდია ბიუჯეტში, სახელმწიფომ დამიბრუნოს უკან, იმიტომ, რომ ბოლო 20 წელია ე.წ. ლიდერი ტელევიზიები ფაქტიურად გათავისუფლებულები არიან გადასახადებისგან – აგროვებენ ვალებს და მერე სახელმწიფო პატიობს.

ეს მარტო უსამართლობა კი არა, უკვე კრიმინალია – არხების ნაწილი მუდმივად გათავისუფლებული იყოს გადასახადებისგან და ჩემნაირ არხებს ტყავს აძრობდეს სახელმწიფო.

ივანიშვილს უნდოდა იმედი– მისია.
უნდოდა მაესტრო– მისია.
უნდოდა რუსთავი2– მისია.
ჰოდა, გადაიხადოს სასწრაფოდ ბიუჯეტში თავისი არხების 55 მილიონი, თორემ ისეთ სკანდალს ავტეხ, წარმოდგენაც რომ გაგიჭირდებათ”.

დატოვეთ თქვენი კომენტარი