ქუთაისში ე.წ. საღორიის ტყეში გოგონას სუიციდის მცდელობა ჰქონდა. ის მეხანძრე მაშველებმა უგონო მდგომარეობაში იპოვეს.გოგონას ოჯახი ეძებდა. მათ დახმარებისთვის „112“-ს მიმართეს, მაშველებმა კი სიკვდილს გადაარჩინეს.
-შეტყობინების მიღებისთანავე ადგილზე დაუყოვნებლივ გავიდნენ საგანგებო სიტუაციების მართვის სამსახურის მეხანძრე-მაშველთა ჯგუფები. სუიციდის მცდელობის ფაქტი დადასტურდა – ტყეში ახალგაზრდა გოგონას ჰქონდა თავის ჩამოხრჩობის მცდელობა. მეხანძრე-მაშველების სწრაფი რეაგირების შედეგად მოხერხდა სუიციდის მცდელობის დროულად აღკვეთა და გოგონას გადარჩენა. უგონო მდგომარეობაში მყოფი მოქალაქე სასწრაფო-სამედიცინო დახმარების ბრიგადამ საავადმყოფოში გადაიყვანა.
გოგონას შესაბამისი მკურნალობა ჩაუტარდა, ახლა თავს კარგად გრძნობს და მის სიცოცხლეს საფრთხე არ ემუქრება, – აცხადებენ საგანგებო სიტუაციების მართვის სამსახურში.
საქმე აღძრულია სისხლის სამართლის კოდექსის 115-ე მუხლით, რაც თვითმკვლელობამდე მიყვანას გულისხმობს.
ტოპნიუსი