,,ავღანეთიდან ჩამოსული ბიჭები ქალაქიდან ქალაქში ვერ გადაიყვანეს უსაფრთხოდ” – ავარიაში დაშავებული 3 ჯარისკაცის მდგომარეობა მძიმეა

,,ავღანეთიდან ჩამოსული ბიჭები ქალაქიდან ქალაქში ვერ გადაიყვანეს უსაფრთხოდ" - ავარიაში დაშავებული 3 ჯარისკაცის მდგომარეობა მძიმეაშეკვეთილში ავტოსაგზაო შემთხვევის დროს დაშავებული სამი ჯარისკაცის მდგომარეობა მძიმეა. ისინი მკურნალობას ქობულეთის საავადმყოფოში გადიან.

გუშინ ავარიაში 12 სამხედრო დაშავდა. შეკვეთილში სამგზავრო მიკროავტობუსი, რომლითაც სამხედრო მოსამსახურეები მგზავრობდნენ გადაბრუნდა.

ისინი სასწრაფო სამედიცინო ბრიგადებმა ქობულეთის საავადმყოფოში გადაიყვანეს. 2 სამხედრო ამ დროისთვის გორის სამხედრო ჰოსპიტალში აგრძელებს მკურნალობას, 6 კი – ქუთაისის საავადმყოფოში.

-სამის მდგომარეობა იყო მძიმე და გადავიყვანეთ რეანიმაციულ განყოფილებაში. სამს ჩაუტარდა ოპერაცია წვივის ძვლის, მხრის ძვლის და ლავიწის. ამჟამად მათი მდგომარეობა სტაბილურია და ქირურგიულ განყოფილებაში იქნენ გადმოყვანილი და გადიან მკურნალობის კურსს, – ამბობს ექიმი ,,რუსთავი 2″-თან.

სამხედრო ჰოსპიტალის დირექტორი, დავით ბარლიანი ამბობს, რომ მათთან ორი პაციენტი შეიყვანეს, რომელთა ჯანმრთელობის მდგომარეობა სტაბილურია.

-ჩვენთან იმყოფება 2 პაციენტი და იმყოფებიან სტაციონალური მკურნალობის ქვეშ. მათთან ოპერაციული ჩარევა არ იგეგმება ახლო მომავალში და იმედს ვიტოვებთ, რომ არ მოხდება რაიმე სახის ჩარევა. ძირითადი დაზიანებები არის თავის ტვინის შერყევა, სხეულის ზოგადი დაჟეჟილობა, – განაცხადა ბარლიანმა ,,რუსთავი 2″-თან.

ამ ავარიას ეხმაურება ჟურნალისტი თამო კეშელავა და ფეისბუქში წერს:

,,ის ხალხი, რომლებიც პოლიციელთა ცემას აპროტესტებთ – მიუხედავად იმისა, რომ არც ერთი პოლიციელი არ იყო მძიმედ – ახლა, როცა სამხედროები რეანიმაციაში არიან და სიკვდილს ებრძვიან – რატომ ხართ ჩუმად?
გამოძიება უკვე დაიწყო!
თუმცა…
რამდენს გინახავთ, როგორ და რით გადაჰყავთ ჩვენი სამხედროები?
ყველა სახელმწიფო ტრანსპორტი, მათ შორის, სამხედრო ნაწილების ტრანსპორტი – დახავსებულია!
ავღანეთიდან ჩამოსული ბიჭები – ქალაქიდან ქალაქში ვერ გადაიყვანეს უსაფრთხოდ!
გადაგეფრინათ!
ვერტმფრენით გადაგეყვანათ!
თქვენ რით დადიხართ ქალაქიდან ქალაქში?”.

დატოვეთ თქვენი კომენტარი

...

ახალი დამატებული

sarkenews.ge © 2017-2019