კასპის მუნიციპალიტეტის სოფელ ხიდისყურში შუახნის მამაკაცი მოკლეს.
კასპის მერის წარმომადგენელი ზურაბ ქურასბედიანი “ნიუპოსტთან” საუბრისას აცხადებს, რომ სროლის ხმა სოფელში წუხელ ღამით, დაახლოებით 2 საათზე გაიგეს.
მისივე თქმით, დაჭრილია მოკლული მამაკაცია მეუღლე, რომელიც კასპის საავადმყოფოშია გადაყვანილი.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 108-ე და 19-109-ე მუხლის მე-3 ნაწილის „ა“ ქვეპუნქტით მიმდინარეობს, რაც განზრახ მკვლელობისა და დამამძიმებელ გარემოებაში ორი ან მეტი პირის მიმართ ჩადენილ განზრახ მკვლელობის მცდელობას გულისხმობს. ჩადენილი დანაშაული 16-დან 20 წლამდე ვადით, ან უვადო თავისუფლების აღკვეთას ითვალისწინებს.
ნიუპოსტი