ქეით მიდლტონი მსოფლიოში ერთ-ერთ ყველაზე გემოვნებიანად ჩაცმულ ქალად მიიჩნევა, თუმცა ეს სულაც არ ნიშნავს, რომ კემბრიჯის ჰერცოგინია საკუთარი იმიჯის შეცვლისთვის მზად არ არის. პრინცი უილიამი და ქეითი მეფისა და დედოფლის როლისთვის მზადებას იწყებენ და მიდლტონის ჩაცმის სტილზე ეს უკვე აისახება.
„მას უკვე ნაკლებად აცვია შედარებით იაფფასიანი ბრენდების კაბები და ძირითადად დიზაინერების სამოსით ჩნდება“, – ამბობს გამოცემა US Weekly-ის წყარო. მომავალი დედოფალი სულ უფრო მეტ დიზაინერთან თანამშრომლობს.
პრინცი ლუის დაბადების და დეკრეტული შვებულების შემდეგ ქეითი საზოგადოების წინაშე საგრძნობლად შეცვლილი დაბრუნდა, რაც მეგან მარკლის დამსახურებაც არის – მიდლტონმა რძლის მსგავსად სამოსს უფრო თანამედროვე ელემენტები შესძინა.
ამბები.ჯი