12 მარტს რუსთაველის თეატრში ქართული პარლამენტარიზმის 100 წლის იუბილესადმი მიძღვნილ საზეიმო ღონისძიებაზე მისულ ქართველ და უცხოელ სტუმრებს რობერტ სტურუას სპექტაკლი ,,ბედი ქართლისა” წარუდგინეს. ისტორიკოსების შოკი, სამარცხვინო, უგემოვნო, შეურაცხმყოფელი – ასეთი კომენტარები გააკეთეს ისტორიკოსებმა და თეატრთმცოდნეებმა სპექტაკლის ნახვის შემდეგ.
მათ რობერტ სტურუამ ფეისბუქით უპასუხა:
,,ყვარყვარეს” გამო დაჭერით მემუქრებოდნენ; ,,კავკასიურის” გამო – მხსნიდნენ; ,,რიჩარდმა” ანონიმური წერილები გაგზავნა მოსკოვში, ЦК-ში და КГБ-ში; ,,ლურჯი ცხენები” – ამიკრძალეს;
ინტერვიუ გამოვაქვეყნე და – ,,თავისუფლების” ბელადმა, ვინმე სოვდაგარ-სააკამ გამაგდო;
,,არაისტორიულმა ამბავმა” – ვითომ აღშფოთებული თანამემამულეები დაამშვიდა და ბედნიერებმა იარაღს სტაცეს ხელი და ნაცების და ,,თავისუფლების” ბრძანებით მე, უნიჭო და გახრწნილი რეჟისორი კედელთან მიმაბჯინეს და გემრიელად დ ა მ ხ ვ რ ი ტ ე ს!
ჩემო ცაფირუზზურმუხტო, ტკბილად გააგრძელე უბადრუკი ძილი!”.