ლადო აფხაზავა: ,,დედაჩემის გარდაცვალების შემდეგ მამამ ვერ გაძლო და თვითმკვლელობით დაასრულა სიცოცხლე…” – ვიდეო

ლადო აფხაზავა: ,,დედაჩემის გარდაცვალების შემდეგ მამამ ვერ გაძლო და თვითმკვლელობით დაასრულა სიცოცხლე..." - ვიდეოლადო აფხაზავა, რომელიც მსოფლიოს ათ საუკეთესო მასწავლებელს შორის მოხვდა, ტოქ შოუ ,,ფოკუსში” სულისშემძვრელ ისტორიას ყვება თავის ოჯახზე:

,,დედა როცა წავიდა, ჩვენი ოჯახის საქმეც ცუადად წავიდა. ამიტომ ქალები არიან ის ადამიანები, რომლებიც ოჯახს ამაგრებენ. დედა ძალიან ახალგაზრდა, 50 წლის გარდაიცვალა. ქიმიოთერაპიას ვუკეთებდით. როცა გარდაიცვალა, ერთი თმის ღერი ვნახე მის ბალიშზე და ის თმა შევინახე. ისე მოხდა, რომ 3-4 წლის შემდეგ გავხსენი და თმა ჭაღარა იყო. გამიკვირდა… ძალიან ემოციური იყო ჩემთვის ეს წუთები. მე და მამამ ძალიან ადრე დავაფასეთ ქალის ღვაწლი ოჯახში…

დედა როცა ცოტა კარგად იყო, ერთი ფირუსულა დარგო და მთელ ეზოს მოედო. არც ვამუშავებ მიწას, რომ რომელიმე არ დავაზიანო. განსაკუთრებით მაშინ ყვავიან, როცა 3 მარტი მოდის…

ვერ ვიაზრებდი, რომ დედა უნდა გარდაცვლილიყო. მაშინ 17-18 წლის ვიყავი. მე დედას ვპატრონობდი. ბოლო წუთამდე მის გვერდით ვიყავი. ბოლოს ერთნაირად დავიწყეთ სუნთქვა. მან ცოტა შეანელა სუნთქვა და როცა შეანელა, მეც შევანელე. ბოლოს ხელი ჩამჭიდა და ვერ დავაცილეთ ხელები…

დედას და მამას ძალიან უყვარდათ ერთმანეთი. დედაჩემის გარდაცვალების შემდეგ მამამ ვერ გაძლო და თვითმკვლელობით დაასრულა სიცოცხლე იმავე ოთახში, სადაც დედა გარდაიცვალა…

როცა დედა დავმარხეთ, წვიმა დაიწყო. მეც გავიპარე სახლიდან და მამაც. სხვადასხვა გზებით წავედით. გავიხედე და მამაც მორბოდა და ცელოფანი მოჰქონდა… ორივემ გადავაფარეთ, ჩავეხვიეთ ერთმანეთს და ვიტირეთ, იმიტომ, რომ ჩვენ სახლში ვიყავით და დედა – არა…” (იხილეთ ვიდეო).

კაცი მასწავლებლები �

🔹 ლადო აფხაზავა – რთული გზა „გამარჯვებამდე“სახალხო მასწავლებლის პირადი ამბები თოქ-შოუ „ფოკუსში“🔹 ლიპარა – #მოსწავლებელი – ფერადი ნივთებით სავსე ჩანთით და დიდი გულით🔹 თემო, გიო, ლაშა, ლუკა და ბავშვები – ბიჭები სკოლამდელი განათლების სფეროში 🔷 თოქ-შოუ ფოკუსი • Talk Show Focus • 08.03.2019 • გადაცემა #7

Gepostet von თოქ-შოუ ფოკუსი • Talk Show Focus am Freitag, 8. März 2019

დატოვეთ თქვენი კომენტარი