,,ოცნების” აქტიურ მხარდამჭერ დალი ქავთარაძეს ემიგრანტები საჯარო ბოდიშის მოხდას სთხოვენ იმ პოსტის გამო, რომელიც ფეისბუქში გამოაქვეყნა. ის ემიგრაციაში წასულ ადამიანებს უმადურებს უწოდებს.
დალი ქავთარაძის ფეისბუქპოსტებს ყოველთვის დიდი გამოხმაურება აქვს. 2018 წელს ბიძინა ივანიშვილის ერთ-ერთი ინტერვიუს შემდეგ მან ფეისბუქში დაწერა:
,,აღფრთოვანებული ვარ ბატონი ბიძინას იტერვიუთი. ყველა კითხვას უპასუხა და ხალხს დაუბრუნა რწმენა, რომ ყველაფერი კაგად იქნება. ვლოცულობ, რომ ბატონი ბიძინა ასი წელი ყოფილიყოს ჩვენი და ჩვენი ქვეყნის მფარველი.
მთელმა საქართველომ მადლობა უნდა უთხრას ბატონ ბიძინას, რომ მან ქართველები გაუპატიურებას გადაარჩინა. რა ხდებოდა იმ სისხლიანი რეჟიმის დროს, ქალებს გარეთ გვეშინოდა გასვლა. მარტო ქალებს? – კაცებსაც, იმიტომ, რომ ყველას აუპატიურებდნენ. ქუჩაში, გარეთ, ციხეში – კაცებს. გადავრჩით და ეს ბატონი ბიძინას დამსახურებაა. მადლობა, რომ არსებობს“, – წერს „ფეისბუქის“ საკუთარ გვერდზე „ოცნების’ მხარდამჭერი დალი ქავთარაძე.