,,მის სამყარო 2017″-ის, ჰოლანდიელი ლოტე ვან დერ ზეეს გარდაცვალება დიდი მოულოდნელობა იყო ყველასთვის. გოგონამ 20 წლის იუბილემდე ვერ მიაღწია.
ძალიან მხიარული და სიცოცხლით სავსე ლოტე ოჯახთან ერთად ავსტრიის სამთო-სათხილამურო კურორტზე იყო. მეგობრებთან ერთად წვეულებაზე წავიდა. შინ დაბრუნებულს არ დაუჩივლია არაფერზე. მეორე დილით კი საუზმეზე რომ არ გავიდა, დედამ ოთახში შეაკითხა და გათიშული დახვდა. უგონო მდგომარეობაში მყოფი ლოტე საავადმყოფოში გადაიყვანეს, სადაც ერთი კვირა კომაში იყო და მისი ამქვეყნად მობრუნება ვერ შეძლეს. დიაგნოზი – გულის შეტევა, თუმცა რამ გამოიწვია, ჯერჯერობით დაუდგენელია.
ოჯახის წევრები აპირებენ დეტალური ანალიზების ჩატარებას და მიზეზების დადგენას.
ერთკვირიანი კომის შემდეგ ოჯახს გამოუცხადეს, რომ თანდათან ყველა ორგანო გაითიშა და ტვინიც აღარ მუშაობდა, მისი კომიდან გამოსვლის შანსები ნულს გაუტოლდა და მშობლებმა მიიღეს უმძიმესი გადაწყვეტილება – გამოერთოთ ხელოვნური სუნთქვის აპარატიდან…
,,ჩვენმა მარგალიტმა დაგვტოვა… საყვარელი ლოტა ჩვენთან აღარაა… გულდათუთქულები ვართ”, – დაწერეს გოგონას მშობლებმა.
პალიტრავიდეო