მომღერალი ანრი ჯოხაძე საავადმყოფოში მოხვდა. ქალაქში ჭორი გავრცელდა რომ მომღერალი უგონო მდგომარეობაში კლინიკაში „ვივამედი“ მიიყვანეს. „პრაიმტაიმი“ მომღერლის დას, მაგდა ჯოხაძეს დაუკავშირდა.
მაგდა ჯოხაძე:
– მაგდა, ანრის ამბავი გვაინტერესებს, უგონო მდგომარეობაში საავადმყოფოში გადაიყვანესო, გავიგეთ…
– უგონო მდგომარეობა არ ყოფილა, მაგრამ კლინიკაში მოვხვდით. ანრის მოციმციმე არითმია აქვს. უძილობის და გადაღლილობის ფონზე ისევ პროვოცირდა ორგანიზმი. საბედნიეროდ, დროულად მივედით კლინიკაში. დასტაბილურდა, ახლა კარგად არის. მთავარია, ინფარქტს გადავრჩით. 3 თვის წინ იწვა იგივე დიაგნოზით. ახლა გადაღლილობაზე გაუმეორა.
– სამსახურში გახდა ავად?
– არა, სახლში. რამდენიმე ღამე გადააბა. კლიპს ამონტაჟებდა. უძილო იყო. ინტენსიურ განყოფილებაში იწვა სამი დღე, სანამ არ დასტაბილურდა მდგომარეობა. ახლა სახლში აგრძელებს მკურნალობას.
– ჯანმრთელობას გისურვებთ. ველოდებით კლიპის პრემიერას.
– დიდი მადლობა. აუცილებლად მოგიწვევთ. სუპერ კლიპი გამოდის. უბრალოდ ეს რომ რამეს აკეთებს, არც ძილი ახსოვს, არც ჭამა, არც სამყარო. დაშოკილი ჰყავს ორგანიზმი.
პრაიმტაიმი, ნინო მჭედლიშვილი