,,უმალვე მოვხსენით ის კონკრეტული პარტია მოხმარებიდან” – ,,ნიკორა” განცხადებას ავრცელებს

სურსათის ეროვნულმა სააგენტომ გაავრცელა ინფორმაცია, რომლის თანახმადაც, „ნიკორას“ წარმოებულ „კიევურ კოტლეტში“ სალმონელას ჩხირები აღმოჩნდა და 8 მომხმარებელს დაუდასტურდა სალმონელა.

,,ნიკორას” თქმით, ამ პროდუქტით სულ რამდენიმე ფილიალი მარაგდებოდა და მყისიერი რეაგირება მოხდა.

,,კომპანია ,,ჯეო დისტრიბუციის“ ქათმის ფილე ,,გრაკო” – „ნიკორა ტრეიდის“ მზა კერძების მცირე ზომის საწარმოს პროცესის შეჩერების მიზეზი გახდა. სურსათის ეროვნულმა სააგენტომ მოგვმართა რამდენიმე ადამიანის საკვებისმიერი ინტოქსიკაციის ფაქტთან დაკავშირებით.

როგორც გაირკვა, ყველა მათგანმა საკვებად მიიღო „კოტლეტი კიევური“. ინფორმაციის მიღებისთანავე ჩვენი მხრიდან მყისიერად მოხდა სააგენტოს ყველა მითითების შესრულება, მათთან აქტიური თანამშრომლობით გამოვავლინეთ, სად იყო მიზეზი და მივაკვლიეთ ქათმის ფილე ,,გრაკოს”, რომელიც გამოიყენებოდა კოტლეტის წარმოებაში, ხოლო ამ უკანასკნელით გვამარაგებდა კომპანია ,,ჯეო დისტრიბუცია”.

რა თქმა უნდა, ვაცნობეთ აღნიშნულ კომპანიას მომხდარის შესახებ და უმალვე მოვხსენით ის კონკრეტული პარტია მოხმარებიდან. ინფორმაციისთვის გეტყვით, რომ მზა კვების საწარმოს მცირე ზომიდან გამომდინარე, ამ პროდუქტით მომარაგება სულ რამდენიმე ფილიალში ხდებოდა და,  საბედნიეროდ, მასშტაბი პრობლემის განვრცობის ძალიან მცირეა.

ვწუხვართ აღნიშნული ფაქტის გამო და ამ ეტაპზეც აქტიურად ვთანამშრომლობთ სააგენტოსთან ყველა მათი რეკომენდაციის ზედმიწევნით შესრულებულის მიზნით”, – წერია ,,ნიკორას” მიერ გავრცელებულ განცხადებაში.

ინფექციონისტი მაია ბუწაშვილი წერს, რომ სალმონელათი დაავადებას თავიდან ავიცილებთ, თუ წესებს დავიცავთ.