,,გილოცავთ, უკვე ნატო-ს სწავლებებშიც აღარ ვმონაწილეობთ. ეს არგუმენტი, რომ თურმე ძვირია, არ მიიღება. პირველი იმიტომ, რომ ამაზე უფრო მნიშვნელოვანზე რაზე ხარჯავთ ფულს; და მეორე და მთავარი, მსგავს სწავლებებში მონაწილეობა ჩვენ, როგორც წესი, დიდი არაფერი გვიჯდებოდა იმიტომ, რომ ტრადიციულად პარტნიორები უზრუნველყოფდნენ ხოლმე”, – წერს საქართველოს თავდაცვის ყოფილი მინისტრი, თინა ხიდაშელი.შეგახსენებთ, რომ საქართველო წელს არ მონაწილეობს ევროპაში შეერთებული შტატების ორგანიზებულ სამხედრო წვრთნებში, „მცველი 23“.
თავდაცვის მინისტრი აცხადებს, რომ ამაში პრობლემას ვერავინ უნდა ხედავდეს, რადგან საქართველო წელს 20 სხვა საერთაშორისო სწავლებაში იღებს მონაწილეობას, ხოლო „კონკრეტული სწავლება შეიძლება იყოს ხარჯებთან დაკავშირებული“.
პოლიტიკის ანალიტიკოსები მიიჩნევენ, რომ „მცველი 23“-ის მიღმა დარჩენა საქართველოს მთავრობის ანტიდასავლური კურსით სვლის გამოვლინებაა.
„მცველი 23“ არის შეერთებული შტატების, ევროპისა და აფრიკის არმიის ორგანიზებული სამხედრო სწავლება/წვრთნები, რომელიც ყოველ წელს ტარდება.