მუსიკოს დათო ევგენიძეს თურქეთში ღვიძლის გადანერგვის ოპერაცია გაუკეთეს. დონორი მისი მეგობარი, მომღერალი გიორგი მახარაშვილია.
„დასრულდა ურთულესი და ძალიან გრძელი ოპერაცია! ყველაფერი მაგრად იქნება. ძალიან დიდი მადლობა ყველას თანადგომისთვის და სიყვარულისთვის”, – დაწერა დათო ევგენიძის ქალიშვილმა, ლიკა ევგენიძემ.
მუსიკოსის მეუღლემ, ნინო ჟვანიამ, გიორგი მახარაშვილს და მის მეუღლეს, ლელა მიქაძეს მადლობა საჯაროდ გადაუხადა.
„ჩემო ლეკა და მახარა, თქვენ დათოს აჩუქეთ სიცოცხლე… მე სიტყვები არ მყოფნის სიყვარულის და მადლიერების გამოსახატად… თქვენ „არანორმალური“ ადამიანები ხართ, ეს სასწაული რომ გააკეთეთ. მიყვარხართ, მიყვარხართ, მიყვარხართ!“, – დაწერა ნინო ევგენიძემ.
როცა ოპერაცია გადაწყდა, დათო ევგენიძემ ფეისბუქში დაწერა:
„ჩემმა ღვიძლმა ძმამ მახარამ… ახალი ღვიძლი მახარა. აღდგომა მოდის, იხარეთ,
ცამ მადლი გადმოგვაყარა… ოპერაციის მერე აკრძალული გვაქვს ალკოჰოლი და გადავწყვიტეთ, თითო ჭიქა ჩაგვერტყა… მე სულ მალე დავბრუნდები – ავისრულებ მე ჩემს ნატვრას, მე გვერდით მყავს მახარა, მზის ამოსვლა მახარა”.