ხაშურში მესამე სართულიდან გადმოვარდნილი ბავშვი ქალმა დაიჭირა, – ამ ინფორმაციას რადიო ,,მოზაიკა” ავრცელებს. ერთი წლის და 3 თვის ასაკის ბავშვმა მოტეხილობა მიიღო. ის ხაშურის ერთ-ერთ კლინიკაში გადაიყვანეს.
,,სტუმრად იყო მისული დედა თავის შვილთან ერთად. ბავშვი მე-3 სართულიდან გადმოვარდა და დაბლა მდგომმა ქალმა მოასწრო მისი დაჭერა, თუმცა მოტეხილობა მაინც მიიღო”, – ამბობს თვითმხილველი.
,,ეს ბავშვი ჩემი ძმისშვილია და ყველაფერი კარგად არის, არაფერია სანერვიულოო. მადლობა ყველას ყურადღებისთვის, ყველფერი კარგად არის, არაფერი არ სჭირს ბავშვს, მადლობა ღმერთს”, – წერს ბავშვის ბიძა.