თბილისში, შარტავას ქუჩაზე ავარიისას დაშავებული 8 წლის დათუნას ჯანმრთელობის მდგომარეობა დასტაბილურდა, შეიმჩნევა დადებითი დინამიკა.
-უმძიმესი მგომარეობა იყო, დაზიანებული ჰქონდა გულ-მკერდის მიდამო, ჩატარდა ფეხის ამპუტაცია. არაერთი ქირურგი იყო ამაში ჩართული. ამპუტაციის შემდეგ მოხდა მენჯ-სახსრის ფიქსაცია. ახლა მდგომარეობა დასტაბილურებულია, შეიმჩნევა დადებითი დინამიკა, – უთხრეს ამბები.ჯი-ს იაშვილის კლინიკაში.
,,ყველა ნახვაზე ვეუბნები ჩემს დუნდულა ბიჭს, დედიკო, გმირი გახდი, ყველა შენ მაგარ ბიჭობაზე ლაპარაკობს და ყველა შენთვის ლოცულობს-მეთქი. დარწმუნებული ვარ, ესმის და სიამოვნებს, ხალხნო, ვერ აღგიწერთ, როგორ მაძლიერებს თქვენი ასეთი გვერდში დგომა და ამდენი ყურადღება. უღრმესი მადლობა ამდენი სითბოსთვის და კეთილი სიტყვებისთვის. მე მჯერა რომ სასწაულები ხდება”, – წერს დაშავებული მოზარდის დედა.