რუსეთის პრეზიდენტის პრესმდივანმა დმიტრი პესკოვმა დაადასტურა, რომ სანქციებთან დაკავშირებით ურთიერთ პრეტენზიებს კიევთან მოლაპარაკებებზე განიხილავენ. ამის შესახებ რუსული გამოცემა rbc.ru წერს.
„მოლაპარაკებებზე სანქციების თემა ფიგურირებს, თუმცა მეტს ვერაფერს ვიტყვი“, – თქვა პესკოვმა.
რუსეთის დელეგაციის ხელმძღვანელმა უკრაინასთან მოლაპარაკებებში ვლადიმირ მედინსკიმ მანამდე განაცხადა, რომ სანქციები კიევსა და მოსკოვს შორის მოლაპარაკებების ერთ–ერთი საკვანძო საკითხია.
-ეკონომიკურ სანქციებთან დაკავშირებულ მთელ ამ გიჟური ვითარებას, რომელსაც სანქციებთან არაფერი აქვს საერთო, სხვას ვერაფერს ვუწოდებთ, თუ არა ისტორიაში არნახულ, სრულმასშტაბიან ეკონომიკურ ომს რუსეთის წინააღმდეგ. ეს თემა ერთ-ერთი საკვანძოა კიევთან გამართული მოლაპარაკებების რაუნდებზე, – თქვა მედინსკიმ.
კომერსანტი