სამგზის ოლიმპიური ჩემპიონი, ევროპის მრავალგზის ჩემპიონი და მსოფლიოს სამგზის რეკორდსმენი, ლეგენდარული ქართველი სპორტსმენი, ვიქტორ სანეევი დღეს სიდნეიში დაკრძალეს.
დაკრძალვის ცერემონია თბილისის დროით 06:00 საათზე გაიმართა.
,,სანეევი უკანასკნელ გზაზე ორი ქართული სიმღერით გააცილეს – ,,ზამთარია” და ,,საქართველოო ლამაზო”… ის 1945 წელს სოხუმში დაიბადა. 77 წლის ასაკში კი სიდნეიში გარდაიცვალა, სადაც 1992 წლიდან ცხოვრობდა. კარგი სპორტსმენი ხომ იყო და ასევე, კარგი ადამიანი იყო ვიქტორ სანეევი. დიდი იმედი მაქვს, მის ნეშტს ოდესმე მაინც მშობლიურ საქართველოში გადმოასვენებენ” – წერს ფოტოგრაფი გოგა ჩანადირი.