მსახიობ ნიკა ქაცარიძის მეუღლემ, ნინო ბერიძემ თავისი ცხოვრების უმძიმეს ტრაგედიაზე ,,ნანუკას შოუში” ისაუბრა. ის მაყურებელს საბედისწერო 5 ინავარზე მოუყვა, როცა მისი ქმარი მოულოდნელად გარდაიცვალა.
-დღესასწაულებზე ან დაბადების დღეებზე სვამდა. ამას ყოველდღიური ხასიათი არ ჰქონდა. ნიკა მსმელი არ იყო. ჩემი აზრით, ეს იყო აცრიდან და სასმელიდან პროვოცირებული თრომბი. არ მინდა, ისე გამოვიდეს, თითქოს აცრის წინააღმდეგი ვარ. თუმცა ამ შემთხვევაში არ არის მედიცინის მუშაკებისგან მკაცრი გაფრთხილება, რომ არ შეიძლება დალევა ერთი თვე ან ორი თვე. მოუწია სასმელის დალევა, თუმცა დიდი რაოდენობით არა. ჩვეულებრივად დაიძინა, ადრე დაწვა, რადგან მეორე დღეს რეპეტიცია ჰქონდა.
ბავშვები მასთან დაწვნენ. პატარა ბიჭი ჩაუწვა საწოლში, აღარ შორდებოდა და ასე ჩაეძინა. ღამე გამომეღვიძა, 3 საათზე და ლაზარე ცხელი მომეჩვენა და რომ ავიყვანე და გავუზომე სიცხე, ამ დროს ნიკამ გაიღვიძა, მკითხა, რა ხდებაო? ვუთხარი, რომ ლაზარეს დაბალი სიცხე ჰქონდა. წყალი დამალევინეო, დალია წყალი, ამის შემდეგ ჩვეულებრივად დაიძინა.
ძილში მომესმა არანორმალური სუნთქვა. გამეღვიძა და ვეძახი: ,,ნიკა…” გადმოვატრიალე და დაასრულა სუნთქვა. ვერც დავიჯერებდი მაშინ, რომ ეს იყო მისი ბოლო ამოსუნთქვა. ამ დროს ორივე ბავშვმა გაიღვიძა. ამის შემდეგ დედაჩემი გავაღვიძე. სასწრაფოშიც დავრეკე, მოვიდნენ სწრაფად, მაგრამ უკვე გარდაცვლილი იყო.
ეს არის ჩემს ცხოვრებაში ყველაზე მძიმე პერიოდი, მძიმე ახალი წელი. ფაქტობრივად, ბავშებს მამა თვალწინ მოუკვდათ. მარიტა დღემდე არ შემოდის იმ ოთახში, სადაც ნიკამ დალია სული. გუშინ ლაზარემ მითხრა, დედა ეს არის შავი ოთახიო. იმ ოთახში არც ერთს უნდა დაძინება. მარიტამ დაინახა მისი ამოსუნთქვა… – უამბო ,,ნანუკას შოუს” მაყურებელს მსახიობის მეუღლემ.
,,ნანუკას შოუ”