საქართველოს მესამე პრეზიდენტმა, მიხეილ სააკაშვილმა დღეს სასამართლო სხდომაზე, ე.წ. პიჯაკების საქმეზე ისაუბრა და ყოფილი პირველი ლედი, სანდრა რულოვსიც ახსენა:
,,სანდრას უამრავი ხარჯია – ბავშვებზე საჩუქრები, საწოლის ყიდვა ერთ-ერთ შშმ ბავშვზე, ბატუტიანი საწოლი არ გეგონოთ, უამრავი სხვა. სანდრას რატომ არ ასამართლებენ, ხარჯების დიდი ნაწილი არის სანდრასი. სიამოვნებით ვიჯდებოდი მასთან ერთად საბრალდებო სკამზე, იმიტომ, რომ ამ ხარჯების მეოთხედი და მეხუთედი სანდრასია. ოღონდ სანამ სანდრას ედავებით, გაიხსენეთ, რომ მან სამედიცინო სფეროში საქართველოში 100 მილიონი ევროს გრანტი შემოიტანა”.
ამ განცხადების შემდეგ ირაკლი კობახიძემ ასეთი კომენტარი გააკეთა:
-ერთი რაც გავიგეთ, არის ის, რომ უნდა სანდრას დაჭერა და მისი გათავისუფლება. ეს არის მთავარი ფაბულა მისი დღევანდელი გამოსვლის.