საქართველოს მეოთხე პრეზიდენტის, გიორგი მარგველაშვილის ყოფილი ცოლი ტასო ვირსალაძე სოციალურ ქსელში ყოფილ ქმართან და შვილიშვილებთან ერთად საქართველოში გადაღებულ ფოტოებს აქვეყნებს.
მათ საერთო შვილს, ანა მარგველაშვილს როცა მეორე შვილი შეეძინა, ტასო ვირსალაძე წერდა:
,,პირველად შვილიშვილი ოთხი წლის წინ დავიჭირე ხელში და ახლა ისევ გავხდი ბებია, მაგრამ ის ჯერ ხელიდან არ გამიშვია. ველოდები შენს ნახვას, კირა, დაბადების დღეს გილოცავ…“.
გიორგი მარგველაშვილმა და ტასო ვირსალაძემ პატარა ასაკში შექმნეს ოჯახი. როდესაც ტასო ვირსალაძემ ანა მარგველაშვილი გააჩინა, 16 წლის იყო. გიორგი მარგველაშვილისა და ტასო ვირსალაძის ოჯახი მალე დაინგრა. ანა მარგველაშვილი ხან დედასთან იზრდებოდა და ხან მამასთან. ანას მამასთან საუკეთესო ურთიერთობა აქვს.