რეჟისორი გიორგი ვარსიმაშვილი, რომელიც კოვიდით დაინფიცირდა, წერს, რომ ,,ფაიზერით” ერთმა აცრამ ვირუსის გადატანა გაუმარტივა.
,,გამომწერეს საავადმყოფოდან და სახლში ვაგრძელებ მკურნალობას, ყველაფერი წესრიგშია, ვირუსი ფაქტობრივად გამქრალია… ,,ფაიზერის” ერთმა დოზამ თავისი საქმე გააკეთა და ყველაზე რთული ფაზა მარტივად გადამატანინა. ჩვენს სართულზე აცრილები იყვნენ და მათაც მარტივად გადააქვთ.
სამწუხაროდ, ზედა სართულზებზე სულ სხვა მდგომარეობაა. არ არის საკმარისი საწოლი. მეგობარი 24 საათი ელოდებოდა, რომ პალატაში გადაეყვანათ. ჩემი საავადმყოფოში ყოფნისას სამი ადამიანი გარდაიცვალა: 30 წლის ორსული გულის გაჩერებით, 28 წლის ბიჭი ტვინის დაავადებით და ბოლოს 22 წლის გოგოს გაუჩერდა გული. სამი დღე პანაშვიდები, ტირილი და მანქანების მტვრევა ჩანდა ჩემი ფანჯრიდან.
მოკლედ ყველამ აიცერით, პირბადე ატარეთ, დისტანცია დაიცავით და თავყრილობებს მოერიდეთ. მხოლოდ აცრა არ შველის, ყველა წესი უნდა დავიცვათ. ეს სურათი პირველ დღესაა გადაღებული, ვისაც პირბადეში გცხელათ, დამიჯერეთ, ჟანგბადის ნიღაბი უარესია” – წერს ვარსიმაშვილი.