ნაციონალური მოძრაობის თავმჯდომარის, ნიკა მელიას მამა, ექიმი ანზორ მელია შვილის დაკავებაზე ამბები.ჯი-სთან ამბობს:
– მთელი ღამე გავათენეთ მე და ჩემმა მეუღლემ, როგორ გგონიათ, შვილი იქ იყოს და მამამ და დედამ დაიძინოს? უიარაღოდ იყვნენ, ცარიელი ხელებით და ნახეთ, როგორი შტურმი მიიტანეს ოფისზე. ამხელა შტურმი, ამდენი პოლიციელი და სპეცრაზმელი რაში სჭირდებოდათ? ეს სცენა რაში სჭირდებოდათ? ან გაზის გაშვება რაში სჭირდებოდათ?…
გუშინ ღარიბაშვილის გამოსვლის შემდეგ ეჭვიც არ მეპარებოდა, რომ ეს მოხდებოდა და ამიტომ ტელევიზორს არ მოვშორებივარ. მეუღლეც ადევნებდა თვალს, ერთად ვუყურებდით ამ ყველაფერს. ჩვენ ძალიან მეგობრული ურთიერთობა გვაქვს, ვუგებთ და ვამხნევებთ ერთმანეთს. ყველაზე მეტად მოვიხიბლე ნიკას ქცევით. როცა შევიდნენ სპეცრაზმელები, ცალკე ოთახში იყო ნიკა, გამოვიდა იქიდან. წინააღმდეგობა არ გაუწევია, არც მოწოდება არ იყო, მშვიდად გაhყვა. იმაში დარწმუნებული ვარ, რომ ძალიან მალე დასრულდება ეს ყველაფერი. თვითონ ღარიბაშვილი გაათავისუფლებს ნიკას.
გამაგრდი, შვილო! ნიკა ვაჟკაცი და გმირია ნამდვილად… მისი არასოდეს შემრცხვება და ვიამაყებთ ყოველთვის ნიკათი მე და მისი შვილი.
ამბები.ჯი, ავტორი თეა ხურცილავა