ამ წუთებში ცოტნე გამსახურდიას მეორე ურთულესი ოპერაცია უტარდება, ამჯერად თავზე. მისი უფროსი ძმა, კოკო გამსახურდია საზოგადოებას სთხოვს, რომ მათთვის ილოცონ.
„გულ-მკერდის ოპერაცია დასრულებულია. ორი ჭრილობა გულ-მკერდის ღრუში ფილტვის დაზიანებით და ჰემოპნეუმოტორაქსით. ეს იმას ნიშნავს, რომ პლევრის ღრუში იყო სისხლიც და ჰაერიც- დაახლოებით ნახევარი ლიტრი სისხლით. მადლობა ქირურგს, პროფესორ გიორგი გვახარიას.
ახლა დაიწყო მეორე გადაუდებელი ოპერაცია თავზე, სადაც არის 4 დაზიანება. ქალა სარქველის ძვლების მოტეხილობა და მრავლობითი ინტრაკრანიალური ჰემატომებით. საჭირო იქნება ორმხრიცი ტრეპანაცია. ნეიროქირურგიულ ოპერაციას შეასრულებს ცნობილი ნეიროქირურგი არჩილ ჯვარშეიშვილი. ილოცეთ ჩვენთვის”, – წერს კონსტანტინე გამსახურდია.