საოცარი სიურპრიზი ბიძაშვილისგან – ,,ზაკომ თავისი მანქანა მაჩუქა, რომელსაც საკუთარი თავივით უფრთხილდებოდა” – ვიდეო

ნია ხინთიბიძის და იოსებ ხითარიშვილის ქორწილი ნეფის ბიძაშვილმა კიდევ უფრო შთამბეჭდავი გახადა. ზაკო ერაძემ წყვილს სიურპრიზი გაუკეთა და მანქანა აჩუქა. ამის ამსახველ ვიდეოს დღეს უამრავი ადამიანი აზიარებს.

,,სიურპრიზიც ასეთი უნდა. ქორწილამდე ორი დღით ადრე ნასვამმა მითხრა, ისეთ სიურპრიზს გაგიკეთებთ, არასდროს დაგავიწყდებათო. სიტყვის კაცია და ნათქვამი აასრულა. ზაკო ერაძე – მადლობა ჩვენი დღის გალამაზებისთვის და ჩემი ქმრის ასე გახარებისთვის. ნამდვილად შესაშურია თქვენი ბიძაშვილ-მამიდაშვილობა. ვისურვებდი ყველას ჰყავდეს ასეთი ბიძაშვილი”, – დაწერა ფეისბუქში ნიამ.

-ზაკომ თავისი მანქანა, რომელსაც საკუთარი თავივით უვლიდა, ადგა და მე გადმომაბარა. ყველაფერს ვიფიქრებდი, ამას – ვერა. სხვა მანქანა რომ ეჩუქებინა, ამდენად გასაკვირი არ იქნებოდა, როგორიც ესაა. ბავშვობიდან მანქანების მიმართ გიჟური სიყვარული მაკავშირებს. წარმოუდგენლად მიმაჩნდა, არ მჯეროდა და უბრალოდ სიხარულისგან აღარ ვიცოდი, რა უნდა მექნა, – ყვება იოსები.