,,მისტერ ვალენტინი” თორნიკე ტყემალაძე, რომელიც ასევე მონაწილეობდა პროექტში ,,ცეკვავენ ვარსკვლავები” მონაწილე თორნიკე ტყემალაძე გურამიშვილის გამზირზე მოკლულ ძმას, შალვა (შაკო) ტყემალაძეს ემოციური სიტყვებით ემშვიდობება.
,,ჩემო ერთადერთო და განსაკუთრებულო, ჩემო პატარა ძმაო, გთხოვ, მაპატიო ყველაფერი, არ მინდა ტირილი, რადგან შენთან ერთად ყოფნა ყოველთვის პოზიტიური და სასაცილო იყო… გთხოვ, მაპატიო ეს ყველაფერი, შენმა დიდმა ძმამ ვერ დაგიცვა, ეს სინანული კი შენთან შეხვედრამდე გამყვება… იმედი მაქვს, შევხვდებით კიდევ… მანამდე კი, მინდა გითხრა – მიყვარხარ და სულ ვიამაყებ შენით”, – წერს თორნიკე ტყემალაძე.
რამდენიმე დღის წინ გურამიშვილის გამზირის 74 ნომერში, მრავალსართულიანი კორპუსის მე-6 სართულზე, ერთ-ერთ ბინაში ორი ახალგაზრდის ცხედარი იპოვეს. 21 და 27 წლის ბიჭები ცეცხლსასროლი იარაღით არიან მოკლულები. გარდაცვლილები შაკო ტყემალაძე და გურამ (გუგა) კოღუა არიან.