თბილისში მეცხრეკლასელი გოგონა კორპუსის მე-7 სართულის ფანჯრიდან გადავარდა და გარდაიცვალა. გარდაცვლილი გოგონა ცნობილი ტელეწამყვანის, ლულუ კახიანის შვილი, ლენო გვარჯალაძეა. გოგონა 123-ე საჯარო სკოლის მოსწავლე იყო.
როგორც 123-ე საჯარო სკოლის დირექტორი, თამარ ლოსაბერიძე აცხადებს, მომხდარის შესახებ სკოლამ დღეს დილით გაიგო ერთ-ერთი მოსწავლისგან. ლოსაბერიძის თქმით, შემთხვევა გუშინ ღამით, მოზარდის საცხოვრებელ სახლში მოხდა.
-გოგონას თანაკლასელს ერთ-ერთმა მოსწავლემ მისწერა, რაღაც მოხდაო. ჩვენთვის არ იყო ცნობილი თავიდან, შემდგომ გადავრეკეთ და დადასტურდა, რომ სიმართლე ყოფილა. გამორჩეული გოგონა იყო, გამოირჩეოდა განათლებით, თავისი ასაკის ბავშვებს უსწრებდა. თავისუფალი აზროვნება ჰქონდა, იტყოდი, რომ მეცხრეკლასელი კი არა, მეთორმეტეკლასელი იყო, – განაცხადა სკოლის დირექტორმა.
ლენო 2 თვის წინ თბილისში ავარიისას გარდაცვლილ ნიკა ჯორჯაძესთან მეგობრობდა, რომელიც საქართველოს საავტომობილო ფედერაციის ვიცეპრეზიდენტის მევლუდ მელაძის შვილი იყო. ბოლო პოსტი, რომელიც ლენომ სოციალურ ქსელში გამოაქვეყნა, გარდაცვლილ მეგობარს ეძღვნებოდა:
,,ტკივილი. მწარე ტკივილი. შიგნიდან მწვავს. ყველაზე მეტად მიყვარხართ. ყოველთვის მეყვარებით. დამელოდეთ. არსად წახვიდეთ. მოვა დრო და ორივეს ისევ ჩაგეხუტებით. ისევ ვივლით და დავიწყებთ რაღაცეების გაფუჭებას. მენატრებით. მაძუგები forever”.
ამბები.ჯი