დეკანოზი ილია ჭიღლაძე ფეისბუქში ნიკოლოზ მაქარაშვილის შესახებ წერს, რომელსაც ხალხი მდუმარე ბერის სახელით იცნობენ. მისი სახლის წინ ხატებით ხელში არიან შეკრებილნი და ლოცულობენ. მამა ილია ფოტოს აქვეყნებს და წერს:
,,მაქარაშვილის კორპუსის წინ… რა დღეშია საწყალი ზომბირებული ხალხი! მაგრამ სადაა ეკლესია, რომელიც საკრებო (სინოდური) ხმით გააფრთხილებს მათ?!.. ეკლესია ყოველთვის ადასტურებდა და უნდა ადასტურებდეს, რა არ არის მართლმადიდებლობა, ანუ ერესი და რა არის მართლმადიდებლობა. აუცილებელია მუდმივი და მყისიერი მხილება ყველა გადახრის. სახეზეა ახალი სექტა!”, – წერს მამა ილია.
ბერ ნიკოლოზს მღვდელმსახურება 20 წლის წინ შეუწყდა, რისი მიზეზიც მისი სასულიერო სწავლება გახდა.
2016 წელს საპატრიარქოს მიერ გავრცელებულ განცხადებაში, ეს შემდეგნაირადაა განმარტებული: „საზოგადოებრივი თავშეყრის ადგილებში, ტრანსპორტში, განსაკუთრებით კი სამკურნალო დაწესებულებებში ეკლესიის სახელით ვრცელდება ბერი ნიკოლოზის (მაქარაშვილი) ფოტოები ასეთი ტექსტებით: „მხსნელი“, „გადამრჩენელი“ და ა.შ. გვინდა განვმარტოთ, რომ ბერ ნიკოლოზს თითქმის 20 წელია ჯანმრთელობასთან დაკავშირებული გარკვეული მიზეზების გამო შეჩერებული აქვს მღვდელმსახურება“, – ნათქვამია განცხადებაში.
ზოგი ბერს ,,ერის გადამრჩენელს” და ,,ნამდვილ წმინდანს” უწოდებს.