ტოქ შოუ ,,პროფილის” ავტორმა და წამყვანმა მაია ასათიანმა „ფეისბუქის” საკუთარ გვერდზე პოსტი გამოაქვეყნა, სადაც წერს, რომ მას კლინიკიდან დღეს წერენ.
,,ცოცხალი ვარ! კარგად ვარ! დღეს კლინიკიდან მწერენ! დიახ, სიცოცხლეს ვაგრძელებ!” – დაწერა ტელეჟურნალისტმა.
მაია ასათიანს განსაცდელებით სავსე ცხოვრება აქვს. ერთადერთი ქალიშვილის, ნუცას გარდაცვალების შემდეგ მან საკუთარ თავში იპოვა ძალა, ფეხზე დამდგარიყო და თავისი საქმე გაეგრძელებინა.
– მე ვცხოვრობ იმ განცდით, რომ ეს თუ მეწერა, ალბათ ასე მოხდებოდა. სამწუხაროდ, დროის უკან გადახვევა და ცხოვრების გაჩერება რაღაც წერტილში არ შეიძლება. სულ ვამბობ ეს ცხოვრება და ის ცხოვრება, რეალურად ჩემი ცხოვრება იქ დამთავრდა. შვილის სიკვდილის შემდეგ ცხოვრება არ არსებობს. ეს არის არსებობა. მე უბრალოდ დრო გამყავს… – მოუყვა რამდენიმე თვის წინ თავის მაყურებელს ,,პროფილში”.