გარდაცვლილი მსახიობის, ზაზა ბეჟაშვილის (ზუზუ) მეუღლე, თამარ ორაგველიძე ფეისბუქში ზუზუს სხვადასხვა ინტერვიუებიდან ამონარიდებს აქვეყნებს და თავის ტკივილზე წერს:
,,- ცხოვრებას თავიდან რომ ვიწყებდე, ვერ ვიტყვი, რომ შევიცვლებოდი, მაგრამ რაღაცებს გამოვასწორებდი, დედას არ ვაწყენინებდი.
– თვისება, რომელიც ჩემში ყველაზე მეტად მომწონს… ყველაფრის პატიება შემიძლია.
– რომელიც არ მომწონს… ვერ გავიგე, ძალიან ვჩქარობ თუ ნელა მივდივარ.,,
ზუზუ, ძალიან ძალიან იჩქარე. მე რომ 100-ჯერ დავიწყო ცხოვრება თავიდან, 100-ჯერვე შენი ცოლი ვიქნებოდი. შენ ჩემი უწესიერესი, უპატიოსნესი, უერთგულესი, უნიჭიერესი მეგობარი და მეუღლე იყავი. ჩემო ტკბილო, შენს სიცილს შემოვევლე”.