ექსპერტი გია ხუხაშვილი სალომე ზურაბიშვილის შესახებ ფეისბუქში წერს:
,,საქართველო მინდა, გახდეს ის, რაც მე ვარ” – სალომე ზურაბიშვილი. მგონი, დაგვერხა…”.
დღეს სალომე ზურაბიშვილმა პრეზიდენტის პოსტზე საკუთარი კანდიდატურა ოფიციალურად დაასახელა.
-საქართველო მინდა, გახდეს ის, რაც მე ვარ, ანუ ევროპელი და ქართველი. საქართველო თავისი ღირებულებებით და წარსულით არის ევროპელი. ჩვენ გვინდა ევროკავშირი, ჩვენ გვინდა ნატო – ეს არ უნდა იყოს მკვდარი ლოზუნგები, ჩვენ ეს ევროპულობა უნდა გავატაროთ ყოველდღიურობაში.
ჩვენი წინაპრები, ვინც საქართველოს სახელმწიფოს აშენებდა, ყველა დარწმუნებული იყო, რომ საქართველოს სხვა პერსპექტივა არ გააჩნია. შეიძლება სხვა მეზობელი ჰყავდეს, მეზობლებთან მეტ-ნაკლებად დაალაგოს ურთიერთობა, მაგრამ მისი არსებითი და ბუნებრივი მდგომარეობა ევროპულობაა, – განაცხადა სალომე ზურაბიშვილმა დღეს გამართულ ბრიფინგზე.