საქართველოს ყოფილი პრეზიდენტი მიხეილ სააკაშვილი ფეისბუქში უმცროს შვილთან, ნიკოლოზთან ერთად გადაღებულ ფოტოს აქვეყნებს, რომელიც ამსტერდამშია გადაღებული. ფოტოზე ნიკოლოზს თმა ნარინჯისფერად აქვს შეღებილი.
,,დღეს ჰოლანდიის მეფის დაბადების დღეა – ეროვნული დღესასწაული. მთელი ამსტერდამი ნარინჯისფერში გამოეწყო – ეს მათი ეროვნული ფერია. ამსტერდამის არხები სავსეა ნავებით, რომლებშიც ნარინჯისფრად შემოსილი ჰოლანდიელები სხედან.
ამ ფაქტთან დაკავშირებით და მეფის პატივსაცემად ჩვენი ოჯახის მთავარმა ჰოლანდიელმა – ნიკუშამ, თმაც კი შეიღება”, – წერს მიხეილ სააკაშვილი.