მცხეთაში, სვეტიცხოვლის ეზოში, ახალგაზრდა მამაკაცი ცივი იარაღით დაჭრეს. თვითმხილველთა თქმით, დაჭრილი ტაძრიდან გამოვიდა, როდესაც უცნობი პირი მას თავს დაესხა. ბრალდებული ადგილზე დააკავეს.
მამაკაცს ჭრილობა ყელის არეში აღნიშნება.
– ტაძრიდან გამოვიდა მრევლი, მას ორი ბიჭი გამოჰყვა, ყელზე დააჭირეს ხელი, თუმცა სისხლის მაინც ჩქეფდა. როგორც ექიმებმა თქვეს, საძილე არტერია გადაუჭრა, – აცხადებს თვითმხილველი.
დაჭრილი რეანიმაციულ განყოფილებაში იმყოფება. არსებული ინფორმაციით, დაკავებულს ფსიქიკური პრობლემები აღნიშნება.
თვითმხილველები იხსენებენ, რომ ბრალდებული 2 წლის წინ, სასულიერო პირსაც დაესხა თავს.
როგორც „ნიუპოსტს“ შინაგან საქმეთა სამინისტროში განუცხადეს, გამოძიება 117-ე მუხლით მიმდინარეობს, რაც სხეულის განზრახ მძიმე დაზიანებას გულისხმობს.
ნიუპოსტი