ბათუმში ჩამოშლილი კორპუსის ნანგრევებში უნიჭიერესი დათა შომახია თავის დედიკოსთან, მაია შომახიასთან ერთად დაიღუპა. დათა 12 წლის იყო და იმ საბედისწერო დღეს ონლაინ გაკვეთილი ჰქონდა. ის შესანიშნავად ხატავდა. ერთ-ერთი მისი ბოლო ნახატი წინასწარმეტყველური აღმოჩნდა. დედა და შვილი ხელჩაკიდებულები მიდიან. ,,ასე წავიდა დედიკოსთან ერთად” – წერენ სოციალური ქსელში.
,,დღეს უჩვეულო გამოფენა გვაქვს. გვინდა, გაგაცნოთ 12 წლის ბათუმელი დათა შომახია. ნიჭიერი მხატვარი, საინტერესო ბიოგრაფიით. ბიჭი, რომელიც ყველა ჩვენგანის ტკივილი გახდა. იგი ერთ-ერთია, ვინც 26 მაისის ქუჩაზე ცხოვრობდა. დედასთან ერთად სახლში იმყოფებოდა და ესწრებოდა ონლაინ გაკვეთილებს ამ ავბედით დღეს.
საქართველოს ახალგაზრდული აკადემია უსამძიმრებს დათას ოჯახს, მეგობრებს, კლასელებს. სიტყვებით ვერ გამოიხატება ის მწუხარება, რასაც მომხდარის გამო განიცდის მთელი საქართველო. აღნიშნულიდან გამომდინარე, ამ კვირაში დაგეგმილი გამოფენები არ გვექნება”, – წერია აკადემიის განცხადებაში.