რუის-ურბნისის ეპარქიის სქემ-მონაზონი, დედა მართა (გვარამია) კორონავირუსით გარდაიცვალა.
,,შენს გულთან ერთად ჩემი გულიც გაჩერდა, დე…”, – წერს სოციალურ ქსელში დედა მართას ხორციელი შვილი, მამა ელია.
დედა მართასთვის მთელი მისი მრევლი ლოცულობდა. ,,იბრძოლე, დე, დედა ღვთისმშობელი არ გაგვწირავს…”, – წერდა მამა ელია, რომელსაც ცოტა ხნის წინ, ივლისში მამაც გარდაეცვალა.
მამა ელიას უამრავი ადამიანი უსამძიმრებს.
,,დედა მართა დავკარგეთ. მაპატიე, რომ ვერ შევძელი შენი შველა. მამა ელია, თანაგიგრძნობ”, – წერს მომღერალი ანრი ჯოხაძე.
,,მამა ელია, არ ვიცი, რა გითხრა, დედა ღვთისამ განუგეშოს!..” – წერს მამა პეტრე კოლხი.
,,როგორი თბილი იყავით… მამაო, ვერანაირი სიტყვა ვერ გამოვნახე თქვენს სანუგეშებლად. გამაგრდით, უფალმა შეგაძლებინოთ ამ ტკივილის გადატანა”, – წერს ლევან თოდუა.