მმართველი პარტიის აწ უკვე ყოფილმა თავმჯდომარემ, ბიძინა ივანიშვილმა ჟურნალ ,,ინტერპრენუერთან” განაცხადა, რომ მისი და მისი მეუღლის, ეკატერინე ხვედელიძის განკარგულებაში 200 მილიონი დოლარი რჩება.
– ეს მილიარდნახევარი სრულად მოხმარდება ქველმოქმედებას. სწორედ ეს პროცესი დაიწყო გასული წლის 30-31 დეკემბერს. ჩემი და ჩემი მეუღლის განკარგულებაში რჩება 200 მილიონი დოლარი, რომელიც ამ მილიარდნახევარის მიღმა თავისუფალი სახსრების სახით არსებობდა. შვილებს ვუტოვებ იმდენს, რომ მათ არ დაკარგონ ახლის შექმნის და განვითარების მოტივაცია.
დარწმუნებული ვარ, ისინი ჩემგან დამოუკიდებლადაც დიდ წარმატებას მიაღწევენ. მთავარი, რაც მათ მივეცი, კარგი განათლებაა და რაც არანაკლებ მნიშვნელოვანია, არჩევანის სრული თავისუფლება, – განაცხადა ბიძინა ივანიშვილმა.
ამბები.ჯი