პარლამენტის თავმჯდომარის, არჩილ თალაკვაძის დაცვის წევრს კორონავირუსი დაუდასტურდა, ,,ოცნების” ცენტრალურ ოფისში კი კოვიდ-19 დამლაგებელს აღმოაჩნდა.
-გატარდა შესაბამისი ღონისძიებები. პაციენტთან ახლო კონტაქტში მყოფ პერსონალს გარკვეული პერიოდი შეეზღუდა კონტაქტები და დროებით იზოლაციაში გადავიდნენ. მიმდინარეობს თანამშრომლების ტესტირება. მოხდა ოფისის დეზინფექცია. ამ ეტაპზე ყველა ტესტის პასუხი უარყოფითია. ქალბატონი ხშირად არ იმყოფებოდა ოფისში, მას პოლიტიკოსებთან შეხება არ ჰქონია, – განუცხადეს ,,პრაიმტაიმს” „ქართული ოცნების“ პრესსამსახურში.
კორონავირუსი დაუდასტურდა პარლამენტის თავმჯდომარის, არჩილ თალაკვაძის პირადი დაცვის თანამშრომელსაც.
უსაფრთხოების პროტოკოლის თანახმად, სხვა პირებთან ერთად პარლამენტის თავმჯდომარეს და მისი ოჯახის წევრებსაც ასევე ჩაუტარდათ PCR ტესტირება.
,,პასუხი უარყოფითია, მათ არ დაუდასტურდათ კოვიდ ინფექცია. ეპიდუსაფრთხოების წესების თანახმად, პარლამენტის თავმჯდომარე გადავიდა თვითიზოლაციაში“, – ნათქვამია პრესცენტრის მიერ გავრცელებულ განცხადებაში.